Vychavacielku staličnaha dziciačaha sadka, śpiecyjalistku pa defiektałohii, asudzili za pratesty
Taćciana Krykleŭskaja zajmałasia dzietkami z parušeńniami maŭleńnia i aporna-ruchalnaha aparatu.
Taćciana Krykleŭskaja. Fota ź jaje staronki Ukantakcie
Taćcianie Krykleŭskaj 45 hadoŭ. Rodam jana sa Słucka. U 2009 hodzie skončyła Biełaruski dziaržaŭny piedahahičny ŭniviersitet na nastaŭnika inkluziŭnaj adukacyi.
Krykleŭskaja pracavała nastaŭnikam-defiektołaham u minskim dziciačym sadku №549. Tut jość hrupy dla dzietak z parušeńniami maŭleńnia i aporna-ruchalnaha aparatu.
Žančyna pisała artykuły dla sajta sadka — naprykład, pra toje, jak dapamahčy dziciaci, jakoje doŭha nie razmaŭlaje, pačać razmaŭlać.
Taćciana amatarka padarožničać i hatavać. U jaje sacsietkach šmat fota receptaŭ i straŭ, jakija jana hatavała dla rodnych i siabroŭ.
Žančynu asudzili ŭ 2025 hodzie pa abvinavačańni va ŭdziele ŭ pratestach (častka 1 artykuła 342 Kryminalnaha kodeksa). Jana trapiła ŭ apošni vahon tych, kaho paśpieli asudzić da skančeńnia terminaŭ pryciahnieńnia da adkaznaści.
Taćcianie prysudzili chatniuju chimiju.
Čytajcie taksama:
Raspaviadajem, jak dakazvajuć udzieł biełarusaŭ u pratestach i jak źmienšyć ryzyku
Jak nadziejna vyčyścić foty z vašych smartfonaŭ — padrabiazny hajd