Hramadzianka Hiermanii marna sprabavała ŭvieźci ŭ Biełaruś 15 załatych źlitkaŭ
Hramadzianka Hiermanii, jakaja prybyła ŭ Nacyjanalny aeraport Minsk avijarejsam «Stambuł — Minsk», nie zadekłaravała 15 źlitkaŭ zołata, paviedamlaje Dziaržaŭny mytny kamitet.
Skrynšot videa Mytny kamitet
Jana pierasiakała mytnuju miažu pa zialonym kalidory, pryznačanym dla prachodžańnia biez tavaraŭ, što padlahajuć dekłaravańniu. Minskija mytniki zasumniavalisia ŭ jaje dziejańniach, pieranakiravali žančynu na čyrvony kalidor. I pry ahladzie bahažu vyjavili załatyja źlitki i manietu.
Hramadzianka raskazała, što nabyvała kaštoŭnaści na rynkach u roznych krainach i nie ŭpeŭniena, što jany sapraŭdy załatyja. Mierkavanaje zołata nakiravana na ekśpiertyzu.
Vynik daśledavańnia — 15 załatych źlitkaŭ 999,9 proby ahulnaj masaj bolš za 117 h i załataja manieta vahoj bolš za 30 h. Košt niezakonna pieramieščanych praź miažu tavaraŭ skłaŭ bolš za 78 tys. rubloŭ, što značna pieravyšaje dazvolenaje.