Kolkaść nielehalnych mihrantaŭ na polska-biełaruskaj miažy rezka vyrasła
U minułyja dni polskija pamiežniki rehistravali kala 50 sprob pierasiekčy miažu ŭ sutki. Ale 30 vieraśnia ličba vyrasła ŭ dva razy.
Ilustracyjny zdymak. Fota: Pahraničnaja słužba Polščy
30 vieraśnia polskija pamiežniki zarehistravali kala 100 sprob mihrantaŭ nielehalna pierasiekčy miažu. Heta ŭdvaja bolš, čym było ŭ apošnija dni, paśla adkryćcia miažy ź Biełaruśsiu 25 vieraśnia.
Tak, za paniadziełak 29 vieraśnia było kala 40 sprob parušeńnia miažy z boku Biełarusi. Z 26 pa 29 vieraśnia ich było kala 220.