Śviatło i vada źnikli ŭ Biełharadzie paśla ŭdaraŭ pa miascovaj CEC
U damach spynilisia lifty, častka kram zakryłasia, nie pracujuć śviatłafory.
Pa CEC u Biełharadzie 28 vieraśnia ŭviečary nanieśli ŭdar. Častka horada zastałasia bieź śviatła.
Byli čuvać 4—5 vybuchaŭ. Nad CEC padnimaŭsia dym. Ciapier vialikaja častka horada i navakolnyja nasielenyja punkty — u ciamrečy, paviedamlajuć rasijskija ŚMI. U damach spynilisia lifty, častka kram zakryłasia, nie pracujuć śviatłafory.
Raśsietki pry hetym zajaŭlajuć, što elektryčnaść u Biełharadzie i vakolicach źnikła «praź niespryjalnyja ŭmovy nadvorja». Raniej za paniadziełak elektryčnaść nie abiacajuć.
Hubiernatar Biełharodskaj vobłaści Viačasłaŭ Hładkoŭ paćvierdziŭ infarmacyju pra značnyja pieraboi z elektryčnaściu. Jon paviedamiŭ, što vodakanał i balnicy ŭ Biełharadzie pierajšli na reziervovyja krynicy. A taksama paprasiŭ ludziej zastavacca doma i pakinuć vulicy.
Ukraina hety ŭdar nie kamientavała.