Biełaruskija paralimpijcy buduć vystupać na mižnarodnych turnirach ź ściaham i himnam
Takoje rašeńnie pryniaŭ Mižnarodny paralimpijski kamitet 26 vieraśnia ŭ Sieule. Anałahičnaje rašeńnie pryniata ŭ dačynieńni i da rasijskich paralimpijcaŭ.
Biełaruskich paralimpijcaŭ adnavili ŭ pravach pa vynikach dvuch etapaŭ hałasavańnia členaŭ MPK. Na pieršym etapie ŭdzielniki Hienieralnaj asamblei prahałasavali suprać poŭnaha prypynieńnia siabroŭstva Paralimpijskaha kamiteta Biełarusi (119 hałasoŭ suprać, 49 — za, 9 ustrymalisia), na druhim — suprać praciahnieńnia častkovaha prypynieńnia siabroŭstva PKB (103—63—10), paviedamlaje Sport Biełarusi.
Biełaruskija i rasijskija paralimpijcy byli adchilenyja ad spabornictvaŭ paśla poŭnamaštabnaha ŭvarvańnia Rasii va Ukrainu ŭ lutym 2022 hoda i, u pryvatnaści, adchilenyja ad Paralimpijady ŭ Piekinie, jakaja pravodziłasia paśla Zimovaj Alimpijady ŭ stalicy Kitaja.