Nad Šviecyjaj zafiksavali dva nieviadomyja bieśpiłotniki
U noč na 26 vieraśnia nad archipiełaham Karłskruna zafiksavali dva nieviadomyja bieśpiłotniki, tam raźmieščanaja hałoŭnaja baza Vajskova-marskich sił krainy, paviedamlaje SVT.
Ilustracyjnaje fota Jens Büttner picture alliance via Getty Images
Palicyja vyjechała da mosta Miokłasund i zafiksavała najaŭnaść latalnaha aparata ŭ niebie. Taksama miascovyja žychary padzialilisia, što bačyli bieśpiłotnik, jaki mirhaŭ čyrvonymi i zialonymi ahniami.
«Heta imavierna padobna na toje, što raniej zaŭvažali nad Danijaj i Skonie ŭ Šviecyi. Pakul što niezrazumieła, što heta, ale my padali zajavu ab parušeńni Zakona ab avijacyi», — raspavioŭ pradstaŭnik palicyi Macijas Łundhren.
Nivodny ź latalnych abjektaŭ nie ŭdałosia źbić ci pasadzić, padazravanych u palicyi niama. Adnak, jak adznačajecca, palicyja bačyć vyraznuju suviaź z apošnimi padziejami ŭ Danii i Narviehii, dzie, u pryvatnaści, byli zaŭvažanyja drony nad Kastrupam, mižnarodnym aeraportam u Kapienhahienie.