Z 1 kastryčnika ŭvodziać abmiežavańni na łoŭlu ryby
U Biełarusi z 1 kastryčnika budzie ŭviedziena zabarona na łoŭlu ŭsich vidaŭ ryb na zimavalnych jamach. Pra heta paviedamili ŭ Biełaruskim tavarystvie palaŭničych i rybałovaŭ.
Fota ilustracyjnaje
U adpaviednaści z praviłami amatarskaha rybałoŭstva i praviłami viadzieńnia rybałoŭnaj haspadarki zabaraniajecca amatarskaja i pramysłovaja łoŭlu ŭsich vidaŭ ryb na zimavalnych jamach z 1 kastryčnika pa 15 krasavika.
«U chodzie evalucyi ryby prystasavalisia da žyćcia va ŭmovach značnych vahańniaŭ tempieratury vady. Pry nizkich tempieraturach u bolšaści ryb zapavolvajecca abmien rečyvaŭ, źnižajucca abo spyniajucca ruchalnaja aktyŭnaść i charčavańnie, zapavolvajecca reakcyja na razdražnialniki», — rastłumačyli ŭ tavarystvie.
Pieralik zimavalnych jamaŭ vyznačany Ministerstvam sielskaj haspadarki i charčavańnia sumiesna z Nacyjanalnaj akademijaj navuk.
Čytajcie taksama:
«Pralacieła šmat roznych dumak». Rybak raskazaŭ, jak da jaho ŭ efir uvarvaŭsia łoś
Rybałoŭnaja krama adsudziła ŭ žančyny 500 rubloŭ za vodhuk na adnu zorku na Jandeksie
U Słucku chłopčyk niespadziavana vyciahnuŭ z kanavy vialikaha karpa. Hetu radaść treba bačyć VIDEA