19 čałaviek zahinuli ad atručvańnia ałkaholem u Leninhradskaj vobłaści. Surahat vyrablała vychavacielka dziciačaha sadka
Jana rabiła śpirt doma. Zatym pradukcyju dastaŭlaŭ jaje znajomy Mikałaj B.
Vytvorčaść była arhanizavana ŭ pramysłovych maštabach
U Słancach (Leninhradskaja vobłaść) u vyniku atručvańnia surahatnym ałkaholem pamierli 19 čałaviek. Viadoma, što surahat vyrablała 60‑hadovaja vychavacielka dziciačaha sadka Volha S, paviedamlajuć «Ostorožno, novosti».
Jana rabiła surahat doma. Zatym pradukcyju dastaŭlaŭ jaje znajomy Mikałaj B. Abodva padazravanyja zatrymanyja.
Adnoj z paciarpiełych stała 75‑hadovaja žonka Mikałaja — Halina B. 25 vieraśnia jana pastupiła ŭ balnicu ŭ krajniaj stupieni ciažkaści.
Zaviedziena kryminalnaja sprava pa artykule «Pryčynieńnie śmierci pa nieaściarožnaści dvum abo bolš asobam». Zaraz śledčyja orhany vyśviatlajuć asoby achviar.
Nie vyklučana, što kolkaść achviar budzie raści.