Cichanoŭskaja pierachapiła Trampa ŭ kułuarach AAN i padziakavała za vyzvaleńnie palitviaźniaŭ
Śviatłana Cichanoŭskaja na hetym tydni ŭdzielničała ŭ siesii Hienieralnaj Asamblei AAN u Ńju-Jorku. U budynku AAN jana vypadkova pierasiekłasia z prezidentam Donaldam Trampam.
Fota: Ofis Cichanoŭskaj
«Tramp išoŭ z sustrečy, a Cichanoŭskaja na sustreču. Jana koratka padziakavała jamu za vyzvaleńnie biełaruskich palitviaźniaŭ. Jon adreahavaŭ pazityŭna», — raskazaŭ dypłamatyčny daradcy Cichanoŭskaj Dzianis Kučynski. Heta adbyłosia 23 vieraśnia.
Nahadajem, 21 červienia, paśla vizitu ŭ Minsk śpiecpradstaŭnika prezidenta ZŠA Kita Kiełaha, byli vyzvaleny i departavany 14 palitviaźniaŭ, siarod jakich błohier Siarhiej Cichanoŭski, vykładčyca Natalla Dulina, žurnalist Ihar Karniej. Potym 11 vieraśnia hetak ža byli vyviezieny ŭ Litvu 52 palitviaźni, ale Mikałaj Statkievič, jaki byŭ u ich liku, admoviŭsia pakidać Biełaruś i viarnuŭsia.