Cichanoŭskaja sustrakałasia z Kiełaham u Ńju-Jorku

A taksama pierasiekłasia z Trampam.

Śviatłana Cichanoŭskaja i Kit Kiełah u Ńju-Jorku. Na papcy Cichanoŭskaj — partret palityka i palitviaźnia Mikoły Statkieviča. Fota: Ofis Cichanoŭskaj

Śviatłana Cichanoŭskaja na hetym tydni palacieła ŭ Ńju-Jork dla ŭdziełu ŭ siesii Hienieralnaj Asamblei AAN. Tam u hetyja dni prysutničajuć mnohija suśvietnyja palityki.

«Śviatłana Cichanoŭskaja praviała karotkuju sustreču z hienierałam Kitam Kiełaham, a taksama vypadkova pierasiekłasia z prezidentam Donaldam Trampam u budynku AAN. Tramp išoŭ z sustrečy, a Cichanoŭskaja na sustreču. Jana koratka padziakavała jamu za vyzvaleńnie biełaruskich palitviaźniaŭ. Jon adreahavaŭ pazityŭna», — raskazaŭ dypłamatyčny daradcy Cichanoŭskaj Dzianis Kučynski.

Kučynski 23 vieraśnia bačyŭsia taksama z adnym sa svaich pracoŭnych kantaktaŭ ź Biełaha domu z kamandy Endzi Bejkiera — namieśnika daradcy pa nacyjanalnaj biaśpiecy Trampa.

20 červienia śpiecpradstaŭnik prezidenta ZŠA Kit Kiełah byŭ ź vizitam u Minsku i sustrakaŭsia z Alaksandram Łukašenkam. Paśla hetaha byli vyzvaleny i departavany 14 palitviaźniaŭ, siarod jakich błohier Siarhiej Cichanoŭski, vykładčyca Natalla Dulina, žurnalist Ihar Karniej. Potym 11 vieraśnia hetak ža byli vyviezieny ŭ Litvu 52 palitviaźni, ale Mikałaj Statkievič, jaki byŭ u ich liku, admoviŭsia pakidać Biełaruś i viarnuŭsia.

Kamientary da artykuła