Pieravozčyki ŭžo adnavili pramyja rejsy ŭ Polšču. Kolki ciapier kaštujuć bilety
Dniom 23 vieraśnia stała viadoma, što Polšča adnović ruch na miažy ź Biełaruśsiu ŭ noč z 24 na 25 vieraśnia. Pahladzieli, što ź biletami na aŭtobusy.
Ilustracyjny zdymak. Fota: granica_bypl / Telegram
Na servisie «Atłas» bilety na aŭtobus Minsk-Varšava z vyjezdam uviečary 24 vieraśnia i na 25 vieraśnia pradajuć za 130 i 150 rubloŭ.
Taksama dahetul pradajucca bilety na rejs praz Łatviju za 350 rubloŭ.
Skrynšot: atlasbus.by
Bilety z Hrodna ŭ Varšavu kaštujuć 150 rubloŭ, a z Bresta — ad 100 rubloŭ.
Na siervisie intercars-tickets jość pramyje bilety ź Minska ad Minsktras, BayerTrans, Fłajbus (Brest), Transahienstva Favaryt 4 (Hrodna).
Vyhladaje, što z bujnych pieravozčykaŭ tolki Ekałajns nie pierabudavaŭ maršrut i dahetul prapanuje bilety ź Minska ŭ Varšavu pa 130 jeŭra z prajezdam praź Litvu.
Niahledziačy na toje, što miaža jašče zastajecca zakrytaj, čerhi na vyjezd u Polšču nikudy nie źnikali, a paśla źjaŭleńnia naviny pra adnaŭleńnie pracy, jany pačali raści.
Čerhi na vyjezd ź Biełarusi pa stanie na 13:38, 23 vieraśnia. Skrynšot: declarant.by
Jašče da źjaŭleńnia naviny pra adnaŭleńnie ruchu ŭ elektronnaj čarzie ŭ punkcie propusku «Brest» było 2300 lehkavikoŭ. Pa stanie na 20:02 čarha pavialičyłasia da 2722 aŭto.
Tamu trapić u Polšču na aŭto ŭ tych, chto zojmie čarhu siońnia, atrymajecca tolki pryblizna praz tydzień.
Čerhi na vyjezd ź Biełarusi pa stanie na 22:02, 23 vieraśnia. Skrynšot: declarant.by
Kolkaść aŭtobusaŭ taksama raście: kali da abiedu ich było 18, to ŭviečary ŭžo 29.