U Biełarusi nieŭradžaj jabłykaŭ
Pa krainie sabrali ŭdvaja mieniej jabłykaŭ, čym letaś. A ŭ niekatorych haspadarkach situacyja zusim sumnaja.
Premjer-ministr Alaksandr Turčyn raskazaŭ, što sioleta nieŭradžaj jabłyk z-za niespryjalnych umoŭ nadvorja.
Naprykład, u adnoj ź fiermierskich haspadarak u Maładziečanskim rajonie, dzie Turčyn niadaŭna pabyvaŭ, uradžaj jabłykaŭ składzie tolki dziasiatuju častku ad letašniaha.
«My razumiejem, što ŭ cełym u krainie paradku 40% ad uzroŭniu minułaha hoda abjom vytvorčaści jabłykaŭ», — skazaŭ Turčyn.
Premjer dadaŭ, što fiermieram, u jakich ciapier składanaja situacyja, prapanujuć da nastupnaha hoda ŭziać kredyt «na kamfortnych umovach», kab daciahnuć da nastupnaha ŭradžaju.