U Miunchienie aficyjna startavaŭ Aktoberfest
U Miunchienie adkryŭsia tradycyjny piŭny fiestyval Aktoberfest. Burhamistr horada Dziter Rajter treci raz zapar spraviŭsia z zadačaj uzorna — jon adkryŭ pieršuju bočku piva ŭsiaho dvuma ŭdarami, piša Bild.
Fota: Johannes Simon/Getty Images
Čakać hetaha momantu tysiačy ludziej pačali jašče nočču. Pieršyja naviedvalniki sabralisia kala ŭvachodu zadoŭha da śvitańnia, mnohija pryjšli ŭ nacyjanalnych bavarskich strojach.
Bramy adkrylisia tolki a 9‑j ranicy — i adrazu ž pačaŭsia sapraŭdny šturm za lepšyja miescy ŭ piŭnych šatrach.
Pieršyja biezałkaholnyja napoi i lohkija zakuski pačali padavać užo z 10‑aj ranicy, ale hałoŭnaje — piva — pačali nalivać tolki roŭna apoŭdni, paśla simvaličnaha adkryćcia.
Aktoberfest-2025 abiacaje znoŭ pabić rekordy naviedvalnaści: užo ŭ dzień adkryćcia pałatki akazalisia pierapoŭnienymi.