Raman Ščepana Tvardacha pra vajnu va Ukrainie vychodzić pa-biełarusku
Vydaviectva «Januškievič» anansavała vychad ramana Ščepana Tvardacha «Nul» u pierakładzie na biełaruskuju movu ŭ kastryčniku. Aryhinał pabačyŭ śviet pa-polsku ŭ lutym 2025 hoda. Pierakłała navinku Kaciaryna Macijeŭskaja, paviedamlaje Bellit.info.
«Ščepan Tvardach razryvaje šabłony, prymušaje zadumacca i raźvitacca sa zručnymi iluzijami i stereatypami. Nakolki važnyja, nakolki žorstkija ŭ svajoj praŭdzie teksty jon piša», — kamientujuć anons u vydaviectvie.
««Nul» — heta kniha pra sapraŭdnuju vajnu, ale apisanyja ŭ joj hieroi i padziei — vydumanyja, bo musiać takimi być, kab ja moh raskazać pra hetuju vajnu jak maha bolš praŭdziva. (…) Supadzieńni što da realnych ludziej, padziej i vajskovych adździaleńniaŭ mohuć, ale nie abaviazanyja być vypadkovymi», — tak vykazvajecca pra svoj tvor sam aŭtar.
Prodažy pačnucca ŭ kancy kastryčnika. Aryhinalnaje polskaje vydańnie vyjšła ŭ lutym 2025 hoda.