U Hrodnie naviednikam bara dvojčy prynosili piva ź ličynkami
Ź niepryjemnaj situacyjaj sutyknulisia naviedniki adnoj z ustanovaŭ Hrodna. Tam prynieśli piva, u jakim płavali ličynki, piša vydańnie Newgrodno.by.
Kampanija maładych chłopcaŭ spačatku zakazała piŭnuju viežu — jomistaść na niekalki litraŭ, jakaja pracuje z dapamohaj kranika. Raźliŭšy napoj pa kielichach, zaŭvažyli niešta dziŭnaje.
«U samym pieršym kufli my zaŭvažyli niejkich ličynak. Na fota možna ŭbačyć, jak ich było šmat», — raskazvaje naviedvalnik.
Aficyjant adrazu zabraŭ viežu, vymyŭ, ale paśla hetaha kardynalna ničoha nie źmianiłasia. Niejki čas praz u kuflach znoŭ apynulisia ličynki. Kampanija admoviłasia apłačvać rachunak i syšła.
U čym pryčyna taho, što adbyłosia? Adzin z haściej ustanovy ličyć, što sprava nie ŭ pivie, a ŭ abstalavańni ŭ bary.
Jak patłumačyli znajomyja, źviazanyja z hramadskim charčavańniem, chutčej za ŭsio, va ŭstanovie drenna apracavali kran piŭnoj viežy. Tam utvaryłasia spryjalnaje asiarodździe dla takich istot.