Daterminova prahałasavali 30% vybarščykaŭ
Daterminova na vybarach deputataŭ miascovych savietaŭ prahałasavała 29,3% vybarščykaŭ. Pra heta paviedamiŭ sakratar Centrvybarkama Mikałaj Łazavik.
Daterminovaje hałasavańnie prachodziła z 20 pa 24 krasavika.
Pavodle słoŭ Łazavika, najbolš aktyŭna daterminova hałasavali vybarščyki Mahiloŭskaj vobłaści (34,3%), najmienš aktyŭna — Minska (23,5%).
U Bresckaj vobłaści daterminova prahałasavała 26,4% vybarščykaŭ, Viciebskaj — 33,2%, Homielskaj — 33,9%, Hrodzienskaj — 25,4%, Minskaj — 30,1%.
Na sioletnich miascovych vybarach jaŭka vybarščykaŭ padčas daterminovaha hałasavańnia była bolšaj, čym na papiarednich, jakija prachodzili ŭ 2007 hodzie. Tady daterminova prahałasavała amal 25% vybarščykaŭ.