Na składzie Wildberries pad Minskam źbirajucca šmathadzinnyja čerhi

Klijenty Wildberries u Biełarusi pačali skardzicca na zatrymki ŭ dastaŭcy zakazaŭ: niekatoryja čakajuć da 2 tydniaŭ. Pradaŭcy ŭ tyktoku nazvali mahčymuju pryčynu — vializnyja čerhi na składzie pad Minskam, u Ščomyślicy, piša Telegraf.news.

Skrynšot ź videa

Niekalki pradaŭcoŭ adznačyli, što im davodzicca stajać hadzinami, kab razhruzić tavar, jaki paśla razvoziać na punkty vydačy pa ŭsioj krainie.

Adzin pradaviec raskazaŭ, što razhruzki 8 nievialikich skryniaŭ jamu daviałosia čakać bolš za hadzinu, bo pracavała tolki adna rampa.

@dimaprometei Wildberries, au! #wildberries #poriadok #kritika ♬ orihinalnyj zvuk - Dima Promietiej

Inšy pakazaŭ čarhu hruzavikoŭ, jakija stajać pa 6—8 hadzin.

@uborkaminsk #wb #wildberries #minsk #skidki ♬ orihinalnyj zvuk - uborkaminsk

Navat ranišni pryjezd u 5:30 nie dapamoh paźbiehnuć čakańnia — čerhi nie źnikajuć navat nočču. Pavodle słoŭ pradaŭcoŭ, takaja situacyja trymajecca ŭžo kala dvuch tydniaŭ.

Kamientatary źviazvajuć prablemu ź vialikaj kolkaściu zakazaŭ, vyklikanaj akcyjami i źnižkami Wildberries. Niekatoryja klijenty taksama skardziacca na zatrymki dastaŭki.

@ruszanos Słyšał siehodnia,čto takaja žie očieried́ była v poł trieťjeho noči . Eta očieried́ siejčas bieskoniečnaja #minsk #wildberries ♬ orihinalnyj zvuk - Nariezki s jutiub

Pradstaŭniki pradaŭcoŭ kažuć, što dla rostu abjomaŭ prodažaŭ płatformie treba było b naładzić bolš efiektyŭnuju razhruzku i sartavańnie tavaraŭ. Niekatoryja navat nazyvajuć ciapierašni chaos na składzie «repietycyjaj Novaha hoda», dumajučy pra toje, jak skład budzie pracavać padčas zimovych śviataŭ i siezonnych rasprodažaŭ.

Kamientary da artykuła