Rasijski sienatar Džabaraŭ pahražaje Polščy novym padziełam: «nastupaje na staryja hrabli»
Pieršy namieśnik kiraŭnika kamiteta Savieta Fiederacyi pa mižnarodnych spravach Uładzimir Džabaraŭ, zajaviŭ, što ŭłady Polščy ahresiŭnaj rusafobskaj palitykaj i zajavami «nastupajuć na staryja hrabli» i ryzykujuć iznoŭ pryvieści krainu da straty dziaržaŭnaści i padziełu.
Uładzimir Džabaraŭ. Fota: Vikipiedyja
«Polšča i tak zaŭsiody była niesiabroŭskaj krainaj u dačynieńni da Rasii i Biełarusi. A ciapier z-za svajoj rusafobii asobnyja polskija palityki zusim stracili strach. Jany znoŭ nastupajuć na staryja hrabli. Kali Polšča praciahnie «hladzieć na Uschod», abvinavačvajučy jaho ŭ raznastajnych pahrozach polskaj dziaržaŭnaści, nie vyklučana, što jana znoŭ pieražyvie padzieł, jak heta było nie raz u jaje historyi», — napisaŭ Džabaraŭ u telehram-kanale.
Vieteran FSB Džabaraŭ rehularna vykazvajecca na rasijskich telekanałach, časta — z rezkimi antyzachodnimi i antyŭkrainskimi zajavami. Jon adzin z «hałasoŭ» Savieta Fiederacyi pa źniešniepalityčnych pytańniach.