U Minsku supracoŭnika VNU za chabar 600 dalaraŭ asudzili na hod kałonii
Supracoŭniku adnaho z staličnych VNU vynieśli prysud pa abvinavačvańni ŭ atrymańni chabaru. Padrabiaznaści spravy Minsk-Navinam raspaviali ŭ prakuratury Savieckaha rajona.
Tak, z červienia 2021 hoda 57-hadovy minčanin adkazvaŭ za nahlad za vykanańniem budaŭniča-mantažnych rabot. Sam jon pracavaŭ viadučym inžynieram u VNU. U sakaviku 2025 hoda jon pryniaŭ chabar u pamiery $200 ad dyrektara pryvatnaha pradpryjemstva za bieśpieraškodny pryjom ramontu navučalnaha korpusa. Praz tydzień jon atrymaŭ jašče 1 200 rubloŭ za tuju ž pasłuhu.
Paśla raskryćcia złačynstva było zaviedziena kryminalnaja sprava. Inžynier pryznaŭ svaju vinu i raskajaŭsia. Sud pryznaŭ jaho vinavatym pa artykułach «Atrymańnie chabaru» i pryznačyŭ try hady pazbaŭleńnia voli, a taksama štraf 400 bazavych vieličyń (16,8 tys. rubloŭ). Jon taksama pazbaŭleny prava zajmać pasady, źviazanyja z administratyŭnaj dziejnaściu, na piać hadoŭ.
Sud užyŭ zakon ab amnistyi i skaraciŭ termin pazbaŭleńnia voli na hod. Ciapier asudžany budzie adbyvać pakarańnie ŭ papraŭčaj kałonii va ŭmovach uzmocnienaha režymu.