Tramp i Pucin mohuć sustrecca na samicie ŭ Małajzii
Rasijski palityk i amierykanski lidar voźmuć udzieł u samicie Asacyjacyi dziaržaŭ Paŭdniova-Uschodniaj Azii (ASIEAN) u kastryčniku, paviedamlaje ahienctva Bernama. U Kramli i Biełym domie hetuju infarmacyju pakul nie kamientujuć.
Donald Tramp i Uładzimir Pucin padčas samita na Alascy 15 žniŭnia 2025 hoda. Fota: Jae C. Hong / AP
Taksama na mierapryjemstvie buduć prysutničać premjer-ministr Kitaja Li Cian, brazilski lidar Łuła da Siłva i prezident PAR Sirył Ramafosa.
U lipieni ŭ Kuała-Łumpury ŭžo adbyvałasia sustreča ministraŭ krain ASIEAN. Na joj, u pryvatnaści, sustrelisia kiraŭniki dypłamatyčnych viedamstvaŭ Rasii i ZŠA Siarhiej Łaŭroŭ i Marka Rubia.
Apošni raz Pucin i Tramp sustrakalisia na Alascy 15 žniŭnia, taksama jany niekalki razoŭ razmaŭlali pa telefonie. Jany abmiarkoŭvali sposaby spynieńnia vajny va Ukrainie.