Dva pryčały i naftavy tankier paškodžany ŭ naftanaliŭnym porcie Prymorsk pad Pieciarburham paśla ataki BPŁA
Žychary vyjavili maślanistyja plamy na bierazie Finskaha zalivu.
U noč na piatnicu marski port Prymorsk u Leninhradskaj vobłaści padvierhnuŭsia atacy bieśpiłotnikaŭ, u vyniku jakoj uźnikli pažary na dvuch pryčałach i adnym naftavym tankiery, paviedamili krynicy Astra ŭ MNS.
Pavodle danych krynic, kala 4 hadzin ranicy bieśpiłotnik upaŭ na placoŭku kala pryčała №8, dzie byŭ pryšvartavany tankier «Fosfar» pad ściaham Hankonha, jaki zahružaŭ dyzielnaje paliva. Uźnik pažar, pahruzačnyja apieracyi byli spynieny.
Jašče adzin BPŁA ŭpaŭ kala pryčała №2, dzie znachodziŭsia tankier «Kajun» pad ściaham Śjera-Leonie. Uźnik pažar i mocnaje zadymleńnie, supracoŭniki terminała byli evakujavany.
Inšy dron trapiŭ u naftavy tankier «Kusto» pad ściaham Śjera-Leonie. Na tankiery pačaŭsia pažar, ekipaž z 28 čałaviek byŭ evakujavany, paciarpiełych niama.