Biełaruscy za miažoj pisali z numara zatrymanaha znajomaha
Biełaruska za miažoj vyjaviła padman: z numaru jaje siabra, jaki pad vartaj, joj pisali śpiecsłužby, kab vyviedać infarmacyju, paviedamlaje BGmedia.
Ilustracyjnaje fota OSC
Biełaruska Kaciaryna, jakaja žyvie za miažoj, raskazała BGmedia, što nieviadomy supracoŭnik pisaŭ joj dniami ad imia raniej zatrymanaha ŭ Biełarusi znajomaha.
Ja viedała, što čałavieka zatrymali ŭ Biełarusi. My ź im časta pierapisvalisia, ale čyścili pierapiski. Prajšło prykładna 15 dzion ź jaho zatrymańnia, i jon mnie napisaŭ u Telegram. Mianie ničoha nie naściarožyła spačatku. Ale jon nastojliva vypytvaŭ — ci mahli da «orhanaŭ» trapić fota i videa ź Biełarusi, jakija jon mnie dasyłaŭ? Ja adkazała, što nie. Paśla nastojlivych pytańniaŭ na tuju ž temu ja pačała jaho nabirać u Telegram, ale jon nie adkazvaŭ», — prakamientavała Kaciaryna.
Jana ździviłasia i pačała samastojnaje «rasśledavańnie». Ad blizkich siabroŭ znajomaha ŭ Biełarusi jana daviedałasia, što jon nie vyjšaŭ z «sutak» i naohuł znachodzicca ciapier u SIZA pa padazreńni ŭ kryminalnaj spravie, źviazanaj z «ekstremizmam».
Kaciaryna miarkuje, što ci sami supracoŭniki pisali ź jahonaha numaru, ci prymusili pisać znajomaha, kab vyviedać niešta, što było b suprać jaho.