MZS Polščy: My spadziajomsia, što ŭ nastupnaj hrupie vyzvalenych palitźniavolenych budzie Andžej Pačobut
Pres-sakratar MZS Polščy Pavieł Vroński vykazaŭsia pra vyzvaleńnie palitviaźniaŭ u Biełarusi.
Anžej Pačobut
Pres-sakratar MZS Polščy Pavieł Vroński prakamientavaŭ vyzvaleńnie ŭ Biełarusi 52 palitviaźniaŭ.
Joje adznačyŭ, što nad vyzvaleńniem ludziej pracavała i polskaja dypłamatyja.
«Siarod 52 vyzvalenych viaźniaŭ jość troje hramadzian Polščy i vosiem hramadzian Biełarusi, jakija źjaŭlalisia žurnalistami, supracoŭnikami telebačańnia «Biełsat» i inšych polskich miedyja. Ich vyzvaleńnia damahałasia polskaja dypłamatyja», — zajaviŭ Vroński.
Jon vykazaŭ nadzieju, što ŭ nastupnaj hrupie vyzvalenych palitviaźniaŭ budzie Andžej Pačobut.
«My spadziajomsia, što ŭ nastupnaj hrupie, jakaja budzie vyzvalena ź biełaruskich turmaŭ, budzie taksama Andžej Pačobut, jaki niaźmienna zastajecca na pieršym miescy ŭ našych čakańniach», — skazaŭ Vroński.
Siońnia byli vyzvalenyja hramadzianie Polščy Kšyštaf Zanievič i Tomaš Jezutak, a taksama žurnalisty telekanała «Biełsat» Iryna Słaŭnikava, Pavieł Mažejka, Łarysa Ščyrakova, Jaŭhien Mierkis, Pavieł Padabied, Viačasłaŭ Łazaraŭ i Alena Cimaščuk.
Čytajcie taksama:
Cisk Polščy daŭ vynik: na svabodu masava vyjšli žurnalisty «Biełsata». Ale pakul nie Pačobut