Biełaruś adčuvaje adkaz na zatrymańnie polskaha manacha — namieśnik kiraŭnika MZS Polščy
Biełaruś užo adčuvaje polski adkaz na zatrymańnie manacha Hžehaža Havieła pa padazreńni ŭ špijanažy. Pra heta ŭ efiry TVP info zajaviŭ namieśnik ministra zamiežnych spraŭ Polščy Marcin Basacki. Jon nazvaŭ zatrymańnie duchoŭnaj asoby pravakacyjaj, piša Reform.
Namieśnik ministra zamiežnych spraŭ Polščy Marcin Basacki. Skryn videa
«Biełarusy na minułym tydni pierajšli čarhovy Rubikon, ci zatrymali polskaha manacha sposabam, jaki z poŭnaj upeŭnienaściu źjaŭlajecca ich pravakacyjaj, kab jašče macniej abvastryć adnosiny. Naš adkaz jasny, i jany heta bačać i adčuvajuć. U nas užo jość sihnały, što jany pakutujuć z hetaj pryčyny. Zakryćcio aznačaje zakryćcio miažy i ekanamičnuju izalacyju Biełarusi», — skazaŭ jon.
Premjer-ministr Polščy Donald Tusk raniej paabiacaŭ adkaz na zatrymańnie hramadzianina Polščy ŭ Biełarusi. «My rychtujem, skažu ščyra, adpaviednyja miery, kali hetaja situacyja nie źmienicca. I ŭ vielmi karotkija terminy», — zajaviŭ polski premjer.
Ciońnia nočču budzie poŭnaściu zakryta miaža Polščy ź Biełaruśsiu, uklučajučy aŭtamabilnyja i čyhunačnyja pierachody. Aficyjna jana zakryvajecca ŭ suviazi z vučeńniami «Zachad-2025» da admieny adpaviednaha rašeńnia ab zakryćci.