U Mahilovie piensijanierka zapalvała duchoŭku i atrymała apioki
10 vieraśnia ŭ balnicu z apiokami cieła była špitalizavanaja 75-hadovaja žančyna.
Apioki žančyna atrymała, znachodziačysia na leciščy ŭ sadovym tavarystvie «Chimik» Mahiloŭskaha rajona. Pry raspalvańni hazavaj duchoŭki adbyłasia ŭspyška, u vyniku čaho i paciarpieła piensijanierka, paviedamlaje MNS.
Adzieńnie na paciarpiełaj nie paškodžana. Žančyna samastojna pryjechała ŭ balnicu i była špitalizavanaja.