Siarod biełaha dnia ŭ ZŠA stralali ŭ palityka i papularnaha błohiera Čarli Kirka
U kansiervatyŭnaha aktyvista i zasnavalnika arhanizacyi Turning Point USA Čarli Kirka stralali padčas sustrečy z fanatami ŭ ZŠA.
Čarli Kirk. Fota: Alex Brandon / AP
Zamach adbyŭsia padčas siesii pytańniaŭ i adkazaŭ u ramkach jaho tura Prove Me Wrong va ŭniviersitecie Juta-Veli ŭ Aremie.
Pavodle śviedčańniaŭ vidavočcaŭ, paśla strełu ŭ Kirka na miescy pačałasia panika. Palicyja i słužby ekstrannaj dapamohi nieadkładna prybyli na miesca zdareńnia.
Čarli Kirk špitalizavany ŭ krytyčnym stanie ŭ balnicu, paviedamlaje Fox News.
Na kadrach ź miesca zamachu vidać, što Kirk byŭ paranieny strełam u šyju.
Kirk viadomy svajoj palemikaj ź levymi aktyvistami. Jon jeździć pa ŭniviersitetach, prapahanduje kansiervatyŭnyja kaštoŭnaści i adkazvaje na pytańni jak svaich prychilnikaŭ, tak i ideałahičnych apanientaŭ.