Na miažy z Ukrainaj adkryli novuju pamiežnuju zastavu
Na miažy z Ukrainaj adkryli treciuju z pačatku hoda pamiežnuju zastavu. Novy kompleks «Asarevičy» ŭ Brahinskim rajonie, na ŭčastku Homielskaj pamiežnaj hrupy, byŭ adkryty 10 vieraśnia, paviedamlaje Dziaržaŭny pamiežny kamitet (DPK).
U cyrymonii adkryćcia pryniali ŭdzieł staršynia DPK Kanstancin Mołastaŭ, staršynia Homielskaha abłvykankama Ivan Krupko i pamočnik Łukašenki — inśpiektar pa Homielskaj vobłaści Rusłan Parchamovič.
Načalnik Homielskaj pahraničnaj hrupy Dźmitryj Vińnikaŭ adznačyŭ, što zastava «Asarevičy» — heta sučasny kompleks budynkaŭ i zbudavańniaŭ, dzie stvoranyja ŭsie ŭmovy dla słužby, raźmiaščeńnia i pobytu asabovaha składu. Jon vykazaŭ upeŭnienaść, što kompleks dapamoža ŭmacavać achovu dziaržaŭnaj miažy na paŭdniovym kirunku.
Kamandzir «pamiežnaha sudna» Maksim Ciareščanka paviedamiŭ, što zastava raźmiaščajecca na račnym učastku biełaruska-ŭkrainskaj miažy. Pahraničniki patrulujuć raku Dniapro, kab vyjaŭlać ludziej, jakija pierasiakajuć miažu, a taksama bačyć prykmiety padrychtoŭki da jaje parušeńnia.
Čytajcie taksama:
U Dziaržaŭnaj pamiežnaj słužbie Ukrainy nie vyklučajuć pravakacyj padčas vučeńniaŭ «Zachad-2025»
Na miažy z Ukrainaj adkryli novy kompleks dla pamiežnaj zastavy
Na paŭdniovaj miažy Biełarusi adkryli pamiežnuju zastavu «Hrabiani»
U Biełarusi na miažy z Ukrainaj pabudujuć jašče adnu zastavu. Cana ŭražvaje