Pasadzili dyrektara «Minskabłdarbuda»
Alaksandr Majstrovič pratrymaŭsia na pasadzie trochi bolš za hod.
Alaksandr Majstrovič
«Našaj Nivie» stała viadoma pra aryšt hienieralnaha dyrektara dziaržaŭnaj budaŭničaj arhanizacyi «Minskabłdarbud» Alaksandra Majstroviča. Mahčyma, jon užo atrymaŭ termin.
Majstroviču 42 hady. Jon rodam ź Vilejki. Skončyŭ fakultet hornaj spravy i inžyniernaj ekałohii BNTU, paśla prajšoŭ pierapadrychtoŭku ŭ Instytucie dziaržaŭnaj słužby pry Akademii kiravańnia.
Na praciahu 17 hadoŭ pracavaŭ u Darožnym ramontna-budaŭničym upraŭleńni 162 Vilejki (heta filijał «Minskabłdarbuda»), prajšoŭ šlach ad darožnaha majstra da kiraŭnika.
U vieraśni 2023 hoda Majstrovič uznačaliŭ «Minskabłdarbud». Dakładna nieviadoma, kali mienavita jon byŭ aryštavany, ale novy kiraŭnik pradpryjemstva, Maksim Kolesień, byŭ pryznačany ŭ lutym 2025 hoda.
Abvinavačvańnie, vystaŭlenaje Majstroviču, źviazanaje z karupcyjaj.