U Minsku kalekcyjanier pradaŭ čužyja karciny, pieradadzienyja jamu na acenku
U minskuju milicyju źviarnułasia 62-hadovaja žycharka Smalavickaha rajona, paviedamili ŭ HUUS Minharvykankama.
Skrynšot ź videa
Žančyna raskazała, što padčas mastackaj vystavy ŭ stalicy jana paznajomiłasia ź jaje kurataram i paźniej pieradała jamu dla acenki 15 karcin, jakija dastalisia joj u spadčynu. Praź niekalki miesiacaŭ nazad jana ich tak i nie atrymała.
Siłaviki vyśvietlili, što 73-hadovy kalekcyjanier paśpieŭ pradać čužyja tvory mastactva. Heta 11 pałotnaŭ amal na 10 tysiač rubloŭ. Atrymanyja hrošy jon patraciŭ.
Astatnija čatyry karciny mužčyna zachoŭvaŭ doma. Ich i jašče niekalki rabot, jakija fihurant zmoh vykupić nazad, kanfiskavali i viarnuli haspadyni. Śledčyja zaviali kryminalnuju spravu za prysvajeńnie čužoj majomaści.
Čytajcie taksama:
Mužčyna tak razvodziŭsia z žonkaj, što adrazu paśla pasiadžeńnia zarabiŭ kryminałku