Byłuju kiraŭnicu pijar-słužby MTS asudzili pa palityčnym artykule
Maryja Paźniak atrymała chatniuju chimiju.
Maryja Paźniak. Fota ź jaje instahrama
Maryi Paźniak 39 hadoŭ. Jana minčanka. Haduje dačku, jakaja ciapier u małodšych kłasach škoły.
Maryja amal 20 hadoŭ pracuje ŭ markietynhu — pryjšła tudy adrazu paśla skančeńnia ŭniviersiteta. U 2020-m jana ŭznačaliła pijar-hrupu MTS Biełaruś, a ŭ 2023-m pierajšła ŭ Kaspersky Group na pasadu staršaha mieniedžara pa markietynhu.
Maryja Paźniak. Fota ź jak instahrama
Padčas pracy jana zrabiła šmat vialikich prajektaŭ, pryśviečanych achovie dziaciej. Za adzin ź ich, #internetbiezbulinha, jana atrymała niekalki prestyžnych uznaharodaŭ — Effie Belarus, ADMA i UN Global Compact. Uvachodzić Maryja i ŭ top-30 najbolš efiektyŭnych markietołahaŭ Biełarusi, a ŭ 2022-m jana zaniała 14-je miesca.
Maryju Paźniak asudzili ŭ siaredzinie 2025 hoda pa č. 1 art. 342 KK — «udzieł u dziejańniach, jakija hruba parušajuć hramadski paradak». Sutnaść abvinavačańniaŭ, jak i prysud — nieviadomyja. Viadoma tolki, što Maryi pryznačyli chatniuju chimiju.
Čytajcie taksama:
21-hadovuju studentku iniaza kinuli ŭ kałoniju za ŭdzieł ŭ škole lidarstva
Raspaviadajem, jak dakazvajuć udzieł biełarusaŭ u pratestach i jak źmienšyć ryzyku