U Minsku abkatvać apłatu ŭ hramadskim transparcie bankaŭskaj kartkaj buduć na papularnym maršrucie
U Minsku płanujuć pačać ekśpierymient pa apłacie prajezdu ŭ naziemnym transparcie bankaŭskaj kartaj. Pra heta paviedamiŭ BiełTA dyrektar pradpryjemstva «Staličny transpart i suviaź» Juryj Supranovič.
Pavodle jaho słoŭ, novuju funkcyju pačnuć teściravać užo ŭ hetym miesiacy. U hety momant śpiecyjalisty vyznačajucca z maršrutam, na jakim aprabujuć novy sposab apłaty prajezdu.
— Užo ŭ hetym miesiacy budzie pačaty ekśpierymient pa ŭkaranieńni jašče adnaho sposabu apłaty prajezdu ŭ haradskim naziemnym transparcie z dapamohaj bankaŭskaj karty i funkcyj telefona. U ciapierašni čas my vyznačajemsia z maršrutam. Chutčej za ŭsio, inavacyja budzie ŭkaraniona na haradskim maršrucie №1, — adznačyŭ Juryj Supranovič.
Taksama ŭdakładniajecca, što abstalavańnie dla pryjomu apłaty było raspracavana śpiecyjalistami pradpryjemstva.