Kali adkryjuć biznes-kompleks z restaranam i SPA ŭ zavułku Sofji Kavaleŭskaj
Daŭhabud u zavułku Sofji Kavaleŭskaj rychtujecca da adkryćcia. Havorka pra šmatfunkcyjanalny kompleks GS PLAZA «Žamčužyna», jaki uzvodzić kitajski inviestar.
Fota: Onliner
Budaŭnictva raspačali jašče ŭ červieni 2016 hoda, zaviaršeńnie budaŭnictva płanavali da 2020-ha. Ale terminy zdačy ŭ ekspłuatacyju pieranosilisia ŭžo niekalki razoŭ.
Siońnia, pa słovach kiraŭnika administracyi Maskoŭskaha rajona Siarhieja Rubanava, hatoŭnaść abjekta składaje 99%.
— Dumaju, u pieršaj dekadzie 2026 hoda hety abjekt pačnie funkcyjanavać. Tam budzie restarannaja zona, biznes-centr, navučalnyja centry ŭnutry ŭstanovy. Što da dobraŭparadkavańnia, abiacańnie inviestar strymaje: pryviadzie ŭ paradak prylehłyja terytoryi, u tym liku i ŭ stylistycy Kitajskaj Narodnaj Respubliki.
Zhodna ź infarmacyjaj na sajcie zabudoŭščyka, u kompleksie taksama praduhledžany haścinica i spa-zona.
— Skažu bolš: najbližejšaja terytoryja, jakaja miažuje z vulicami Siamaški i Čyhunačnaj, dva hady tamu nami dobraŭparadkoŭvałasia jak parkavaja zona. Tam adbyŭsia konkurs łavaŭ, ustanoŭleny dziciačyja, spartyŭnyja kompleksy, abstalavany piešachodnyja suviazi. Žychary dziakujuć i vykarystoŭvajuć dadzienuju zonu pa pryznačeńni.