Siońnia Dzień biełaruskaj vajskovaj słavy. Jaje tradycyi praciahvajuć dobraachvotniki-kalinoŭcy
8 vieraśnia 1514 hoda adbyłasia bitva pad Oršaj, u jakoj prodki biełarusaŭ, litoŭcaŭ, palakaŭ i ŭkraincaŭ raźbili ahresaraŭ z Maskoŭskaha kniastva.
Pavieł Šurmiej, kamandzir Pałka Kalinoŭskaha Uzbrojenych siłaŭ Ukrainy. Fota: Naša Niva
Vojski na čale z hietmanam kniaziem Kanstancinam Astrožskim zdoleli rasijskija vojski nie prosta spynić, a źniščyć. Dziakujučy toj pieramozie, Vialikaje Kniastva Litoŭskaje vystajała i pieražyvie svoj załaty viek. Tamu biełarusy ŭšanoŭvajuć dzień Aršanskaj bitvy — 8 vieraśnia — jak Dzień biełaruskaj vajskovaj słavy.
Siońnia biełaruskija vajskovyja tradycyi praciahvajuć dobraachvotniki ŭ składzie Uzbrojenych siłaŭ Ukrainy. Jany vajujuć u roznych padraździaleńniach, ale z adnoj metaj, padobnaj da toj, jakaja była i ŭ vojska — nie dapuścić zachopu Uschodniaj Jeŭropy Maskvoju.
Bolš pra padziei 1514 hoda — u artykule «Našaj historyi»:
Bitva pad Oršaj: usio było nie zusim tak, jak raniej mierkavali
Bitva pad Oršaj. Nieviadomy mastak z koła Łukasa Kranacha Starejšaha. 1540-ja hady. Z kalekcyi Nacyjanalnaha muzieja ŭ Varšavie.
Kanstancin Ivanavič Astrožski. Nieviadomy mastak, 1-aja pałova XVII st.