Simańjan raskazała, jakuju apieracyju joj praviaduć
U efiry «Niadzielnaha viečara z Uładzimiram Sałaŭjovym» hałoŭnaja redaktarka RT paviedamiła, što ŭ paniadziełak jaje čakaje apieracyja na hrudziach, piša «Ahientstvo».
Skrynšot videa Rasija-1
«Za hety tydzień u mianie dyjahnastavali strašnuju ciažkuju chvarobu. U mianie ŭ paniadziełak apieracyja jakraz voś tut, pad hetym ordenam. Ja ŭsio roŭna pryjšła [ŭ efir telekanała «Rasija 1»], bo patryjarch skazaŭ, što ja voin, ja pryjšła padtrymać matul, žonak, siaścior, dačok, jakija ciapier čakajuć svaich rodnych i blizkich z frontu, mužoŭ, jakija čakajuć svaich bajavych siabrovak, tych, chto ciapier zmahajecca za zdaroŭje svaich blizkich, i tych, chto zmahajecca adnačasova i za zdaroŭje svaich blizkich, i za ŭłasnaje žyćcio».
Paźniej jana ŭdakładniła, što jaje čakaje apieracyja, u vyniku jakoj hrudzi adrežuć: «Kali my ŭspaminajem dziaŭčat z «Maładoj hvardyi», jakija viedali, što im adrežuć hrudzi žyŭcom. Nie jak mnie — pad narkozam…»
Simańjan — hałoŭnaja redaktarka adnaho z najbujniejšych dziaržaŭnych chołdynhaŭ «Rasija siehodnia, u jaki ŭvachodzić ahienctva RIA Naviny. Jana taksama ŭznačalvaje telekanał RT — adzin z hałoŭnych prapahandysckich ŚMI, aryjentavanych na aŭdytoryju za miažoj.