Ci možna pryvieźci z-za miažy vazon z raślinaj? Adkazali mytniki
Ci dazvolena pryvozić ź inšaj krainy raśliny ŭ vazonach. Adkaz — tak, ale nieabchodna mieć dakumient na ŭvoz, adkazvaje pres-słužba mytnaha kamiteta.
Fota: vecteezy.com
Vazony z raślinami ŭklučany ŭ Pieralik padkarancinnaj pradukcyi, jakaja padlahaje karancinnamu fitasanitarnamu kantrolu na mytnaj miažy krain JEAES.
Tavary dla asabistaha karystańnia, u dačynieńni da jakich ustanoŭleny zabarony i abmiežavańni (u tym liku fitasanitarnyja patrabavańni), u abaviazkovym paradku padlahajuć mytnamu dekłaravańniu.
Heta adbyvajecca pry pierasiačeńni miažy pa čyrvonamu kalidoru punkta propusku. Pasažyrskuju dekłaracyju možna zapoŭnić niepasredna ŭ punkcie propusku abo zahadzia.