Kiraŭnik Dziaržkamvajenprama abmierkavaŭ pytańnie pastavak kakava-baboŭ z Uhandy
5 vieraśnia staršynia Dziaržaŭnaha vajskova-pramysłovaha kamiteta Biełarusi Dźmitryj Pantus, adkazny za supracoŭnictva z Uhandaj, pravioŭ pracoŭnuju sustreču ź dziaržaŭnym ministram sielskaj haspadarki, žyviołahadoŭli i rybałoŭstva hetaj krainy Brajtam Rvamiramaj.
Fota: t.me/vpkgovby
Na sustrečy abmierkavali pierśpiektyŭnyja napramki supracoŭnictva pamiž dźviuma krainami:
- sumiesnyja prajekty ŭ halinie ahratechnałohij i zabieśpiačeńnia charčovaj biaśpieki;
- vykarystańnie biełaruskaj sielskahaspadarčaj techniki i jaje adaptacyja da ŭmoŭ Uhandy;
- pastaŭki sielskahaspadarčaj syraviny (kakava-baby, tytuń, fruktovaje piure) dla biełaruskaj pramysłovaści.
Biełaruś, jak było zajaŭlena, hatovaja pašyrać uzajemavyhadnaje partniorstva i dzialicca vopytam u śfiery ŭsiebakovaha supracoŭnictva, uličvajučy vialiki patencyjał abiedźviuch krain.
Baki taksama damovilisia razhledzieć mahčymaść vizitu biełaruskaj delehacyi ŭ Uhandu dla praviadzieńnia detalovych pieramoŭ ź miascovymi vytvorcami sielskahaspadarčaj pradukcyi.
Čytajcie taksama:
Departavanych Trampam mihrantaŭ hatovaja prymać Uhanda