Lego pradstaviła samy darahi kanstruktar u svajoj historyi — pa matyvach «Zornych vojnaŭ»

Kampanija Lego pradstaviła novy kanstruktar «Zorka Śmierci» pa matyvach «Zornych vojnaŭ», jaki budzie pradavacca pa canie $999,99 i stanie samym darahim u historyi kampanii.

Fota: Lego

Aficyjnaja nazva naboru — LEGO Star Wars Death Star — Ultimate Collector Series (75419). Heta nie poŭnaśfiernaja madel Zorki Śmierci, a jaje papiaročny razrez.

Fota: Lego

Prodažy pačnucca 4 kastryčnika. U sabranym vyhladzie kanstruktar maje vyšyniu 70 sm i šyryniu 80 sm. U nabor uvachodzić 38 fihurak (u tym liku Luk Skajuokier jak džedzi i šturmavik, Chan Soła, pryncesa Leja, Dart Viejder, impieratar Pałpacin i dva droidy) i bolš za 9 tysiač detalaŭ.

Fota: Lego

Madel padzielenaja na 15 siektaraŭ, dzie možna adnaŭlać znakavyja sceny z «Zornych vojnaŭ»: śmiećcieŭščylnialnik, zału tronu impieratara, kamieru pryncesy Lei, błok kiravańnia pramianiom pryciahnieńnia, anhar impierskaha šatła i inšyja elemienty. Viertykalnaja šmatuzroŭnievaja struktura robić kanstruktar hłybokim i składanym, ale pry hetym u im usio pradstaŭlena nahladna.

Fota: Lego

Pakupniki taksama atrymajuć u padarunak źniščalnik TIE ź impierskim anharam.

Za apošnija 25 hadoŭ Lego vypuskaje roznyja nabory Star Wars — ad vialikich, z tysiačami detalaŭ, da kampaktnych madelaŭ, jakija źmiaščajucca na stale. Chacia «Zorka Śmierci» nie samy vialiki nabor pa kolkaści kubikaŭ, jana ličycca najbolšaj madellu, stvoranaj kampanijaj. Papiarednim rekordsmienam pa kolkaści kubikaŭ była «Karta śvietu».

Kamientary da artykuła