Vyjšaŭ na svabodu palitviazień Ihar Žyvałun

3 vieraśnia z kałonii ahulnaha režymu ŭ Navapołacku vyjšaŭ na svabodu žychar Rečycy i hramadzianin Ukrainy Ihar Žyvałun, pryznany pravaabaroncami palitviaźniem. Jon całkam adbyŭ pryznačany jamu termin — 2,5 hoda źniavoleńnia, piša «Homielskaja viasna».

Ihar Žyvałun. Fota z sacsietak

U studzieni 2024 hoda sudździa Homielskaha abłasnoha suda Jaŭhien Šaršnioŭ asudziŭ Ihara Žyvałuna pa artykule ab «sadziejničańni ekstremisckaj dziejnaści». Jak i ŭ mnohich padobnych vypadkach, nahodaj dla pieraśledu stała padtrymka inicyjatyŭ salidarnaści i pieradača infarmacyi, jakuju ŭłady pryznali «ekstremisckaj».

Ihar Žyvałun rodam z Sumščyny va Ukrainie. Paśla pačatku poŭnamaštabnaha ŭvarvańnia Rasii i akupacyi jahonaha miastečka Niedryhajłaŭ jon aktyŭna publikavaŭ u fejsbuku źviestki pra źnikłych va ŭmovach vajny, antyvajennyja paviedamleńni i infarmacyju pra ŭdzieł biełarusaŭ u abaronie Ukrainy.

U kastryčniku 2023 hoda jaho ŭpieršyniu zatrymali i na 15 sutak źmiaścili za kraty nibyta za raspaŭsiud «ekstremisckich materyjałaŭ» — faktyčna za reposty pastoŭ telekanała «Biełsat». Nieŭzabavie Ministerstva ŭnutranych spraŭ uklučyła jaho ŭ «śpis ekstremistaŭ».

26 lipienia 2024 hoda biełaruskija pravaabarončyja arhanizacyi pryznali Ihara Žyvałuna palityčnym źniavolenym. Uvieś termin jon pravioŭ u kałonii №1 u Navapołacku.

Kamientary da artykuła