Na miažy Biełarusi z Ukrainaj praviali abjadnańnie siemjaŭ z Rasii i Ukrainy

Na biełaruska-ŭkrainskaj miažy 4 vieraśnia adbyłosia abjadnańnie siemjaŭ: pa piać rasijskich i piać ukrainskich siemjaŭ sustrelisia sa svaimi blizkimi. 

Fota: t.me/dmytro_lubinetzs

Abmien prajšoŭ u Homielskaj vobłaści z udziełam pradstaŭnikoŭ Mižnarodnaha kamiteta Čyrvonaha Kryža (MKČK) i biełaruskich uładaŭ. Ukrainski ambudsmien Dźmitryj Łubiniec paviedamiŭ, što jaho ofis razam z MKČK 4 vieraśnia vyvieźli z akupavanych terytoryj 8 ukraincaŭ. Rolu ŭ hetym biełaruskaha boku jon nie ŭdakładniŭ.

Pierad hetym 24 žniŭnia Ukraina i Rasija praviali abmien vajennapałonnymi z vykarystańniem terytoryi Biełarusi. Sioleta ŭžo adbylisia 17 etapaŭ abmienu, a ŭ 2024 hodzie — 12. Usiaho ž, pavodle danych staršyni KDB Ivana Cierciela, na terytoryi krainy z pačatku vajny praviedziena 38 apieracyj abmienu pamiž Ukrainaj i Rasijaj.

Kamientary da artykuła