U Maładziečanskim rajonie likvidavana bujnaja samahonnaja vytvorčaść
Padčas rejdavych mierapryjemstvaŭ u Maładziečanskim rajonie supracoŭniki milicyi spynili fakty niezakonnaha vyrabu śpirtaŭtrymlivajučaj vadkaści.
Fota: pres-słužba MUS
Mini-pradpryjemstvy pa vytvorčaści mocnych napojaŭ vyjaŭleny ŭ vioskach Nasiłavie i Zabałoćci, piša Kraj.by.
U miascovych žycharoŭ kanfiskavana try samahonnyja aparaty, kala 30 ton brahi i amal 1 500 litraŭ hatovaha praduktu.
Usie troje parušalnikaŭ aficyjna nie pracujuć, zajmalisia prodažam śpirtnoha. Ich dziejańniam budzie dadziena pravavaja acenka. Naznačana chimičnaja ekśpiertyza vyjaŭlenaj vadkaści.
Za vyrab śpirtovych napojaŭ i ich paŭfabrykataŭ, zachoŭvańnie aparataŭ dla vytvorčaści pahražaje štraf da 30 bazavych vieličyń (1260 rubloŭ) z kanfiskacyjaj.