Na palihonie «Łośvida» pravodziacca vučeńni «Ešałon-2025»
Na palihonie Łośvida ŭ Lepielskim rajonie pravodzicca śpiecyjalnyja vučeńni ź siłami i srodkami materyjalna-techničnaha zabieśpiačeńnia «Ešałon-2025», paviedamiła Ministerstva abarony Biełarusi.
Fota: ahienctva «Vajar»
Padraździaleńni materyjalna-techničnaha zabieśpiačeńnia razharnulisia ŭ palavych umovach i pravodziać praktyčnuju adpracoŭku dziejańniaŭ.
Asablivaja ŭvaha nadajecca viadzieńniu techničnaj raźviedki, arhanizacyi evakuacyi i ramontu paškodžanaj techniki va ŭmovach pahrozy ŭździejańnia BPŁA praciŭnika. Na vučeńni adpracoŭvajucca pytańni vytvorčaj dziejnaści na zbornym punkcie paškodžanych mašyn, dzie arhanizavany biahučy ramont uzbrajeńnia i vajennaj techniki.
U adnym z rajonaŭ padraździaleńni tyłavoha zabieśpiačeńnia adpracavali zadačy pa dastaŭcy bojeprypasaŭ i inšych materyjalnych srodkaŭ u intaresach Sił reahavańnia ADKB.
Dla abarony transpartnych srodkaŭ ad atak dronaŭ na adkrytych šlachach padvozu materyjalnych srodkaŭ arhanizavany kalidor, abstalavany sietkaj, a taksama punkty pavietranaha nazirańnia.