Rasijskaja turystka ŭ Tajłandzie straciła pamiać i zahavaryła na staražytnaruskaj movie
Fiłołah z Tomska ŭpała i mocna ŭdaryłasia hałavoj. A potym pačalisia dzivactvy.
Fota: Mash
Rasijskaja turystka ŭ Tajłandzie straciła pamiać i pačała havaryć na staražytnaruskaj movie.
45-hadovaja Alena z Tomska pa adukacyi fiłołah. Jana pryjechała na kurort adnavić siły paśla pachavańnia baćki. Na druhi dzień žančyna paśliznułasia na prystupkach basiejna, udaryłasia hałavoj i ŭpała ŭ vadu — jaje vyciahnuli i vyklikali chutkuju. Miedyki dyjahnastavali čerapna-mazhavuju traŭmu, pierałom vucha i stratu pamiaci. Rekamiendacyja — trepanacyja čerapa, piša Mash.
Turystka całkam straciła pamiać. Jana nie pamiataje svajho imia i nie paznaje blizkuju siabroŭku. Bolš za toje, žančyna kamunikuje z navakolnymi vyklučna na staražytnaruskaj movie.
U čym pryčyna hetaha fienomienu, nieviadoma. Vierahodna, heta źviazana z tym, što Alena skončyła fiłfak, dzie jakraz vyvučała staražytnaruskuju.
Niadaŭna pra padobnuju historyju paviedamlali ŭ Niderłandach. Tam 17-hadovy chłopiec paśla apieracyi na kalenie zabyŭsia rodnuju movu i pačaŭ razmaŭlać z usimi na anhlijskaj. Jon dumaŭ, što apynuŭsia ŭ ZŠA.