U Biełarusi buduć rehulavać taryfy na pachavańnie i rytualnyja pasłuhi
Urad pryniaŭ pastanovu, jakaja praduhledžvaje novyja ŭmovy farmiravańnia cen dla šerahu rytualnych tavaraŭ i pasłuh.
Dakumientam buduć rehulavacca taryfy na pasłuhi pa pachavańni, ceny na truny, identyfikacyjnyja słupki, rytualnyja kryžy i tumby.
Hraničnaja maksimalnaja nadbaŭka imparciora składzie 30%, hraničnyja maksimalnyja aptovaja i handlovaja nadbaŭki da adpusknoj cany vytvorcy (imparciora) — 70%.
Hraničny maksimalny narmatyŭ rentabielnaści, jaki vykarystoŭvajecca dla vyznačeńnia sumy prybytku, jakaja budzie ŭklučana ŭ košt dla spažyŭca, składzie 50%.
Košt syraviny i materyjałaŭ, jakija vykarystoŭvajucca pry akazańni pasłuh pa pachavańni, budzie ŭklučana ŭ košt dla spažyŭcoŭ. Paradak vyznačeńnia sabiekoštu tavaraŭ i pasłuh pa pachavańni ŭstanaŭlivajuć Ministerstva žyllova-kamunalnaj haspadarki sumiesna z MARH.
Pastanova ŭstupić u siłu praź miesiac paśla aficyjnaha apublikavańnia. Pastanova na Nacyjanalnym pravavym partale była apublikavanaja siońnia.