Studentam dla zasialeńnia ŭ internaty dastatkova miedycynskaj daviedki pa miescy žycharstva, a nie vučoby
Dla studentaŭ, aśpirantaŭ i navučencaŭ, jakija zasialajucca ŭ internaty, spraścili praviły zasialeńnia ŭ internaty.
Uviedziena mahčymaść pradstaŭleńnia miedycynskaj daviedki, vydadzienaj u ŭstanovie achovy zdaroŭja pa miescy žycharstva. Prachodzić miedahlad pa miescy vučoby — nie abaviazkova, paviedamlaje Minzdaroŭja ŭ svaim telehram-kanale.
Da 30 vieraśnia dapuskajecca časovaje zasialeńnie biez pradstaŭleńnia daviedki, pry ŭmovie jaje nastupnaha afarmleńnia i pradstaŭleńnia va ŭstanovu adukacyi ŭ vyznačany termin.
Hetyja miery pryzvany palehčyć praces dla inšaharodnich studentaŭ, asabliva ŭ vypadku ciažkaściej z prachodžańniem miedkamisii ŭ ścisłyja terminy, zaznačaje Minzdaroŭja.