Chłopiec nie atrymlivaŭ pozvu ŭ vajenkamat, ale jaho ŭsio roŭna sudzili
Vyjaznoje sudovaje pasiadžeńnie ŭ vajenkamacie Stolinskaha rajona pa spravie ab uchileńni ad pa pryzyvu na vajskovuju słužbu praviedziena 27 žniŭnia 2025 hoda sudom Stolinskaha rajona.
Sudom ustanoŭlena, što chłopiec pryzyŭnoha ŭzrostu byŭ apavieščany ab nieabchodnaści źjavicca ŭ vajenny kamisaryjat Stolinskaha rajona ŭ traŭni 2025 hoda, ale ŭ paznačanuju datu i čas biez uvažlivych na toje pryčyn nie źjaviŭsia.
Da zakančeńnia mierapryjemstvaŭ pa pryzyvie chłopiec paŭtorna nie pryjšoŭ u vajenkamat.
Padčas sudovaha pasiadžeńnia chłopiec całkam pryznaŭ svaju vinu i patłumačyŭ, što ŭ traŭni 2025 hoda jaho apaviaścili ab nieabchodnaści źjavicca ŭ vajenny kamisaryjat Stolinskaha rajona, adnak jon admoviŭsia atrymlivać pozvu, bo nie žadaje prachodzić vajskovuju słužbu.
Sud Stolinskaha rajona pryznaŭ jaho vinavatym va ŭchileńni ad mierapryjemstvaŭ pa pryzyvie na vajskovuju słužbu i pryznačyŭ jamu pakarańnie ŭ vyhladzie aryštu terminam na 1 miesiac.