Centr biełaruskaj salidarnaści ŭ Polščy adnaviŭ biaspłatnyja kansultacyi

Centr biełaruskaj salidarnaści ŭ Varšavie paviedamiŭ, što z 1 žniŭnia adnaviŭ pracu pravavoha adździeła i znoŭ daje jurydyčnyja kansultacyi.

Zapisacca na kansultacyju možna, dasłaŭšy apisańnie svajoj situacyi na elektronny adras: cbs.konsultacje@gmail.com. Paśla taho juryst prapanuje dzień i čas. Kansultacyi adbyvajucca anłajn.

Centr biełaruskaj salidarnaści dapamahaje nie tolki pa pytańniach lehalizacyi ŭ Polščy, ale i ŭ śfiery siamiejnaha, kryminalnaha i haspadarčaha prava.

Siamiejnaje prava (advakatka i miedyjatarka Jaana Skarycka):

• zaklučeńnie i skasavańnie šlubu;
• abarona intaresaŭ dziaciej (alimienty, kantakt ź dziciom, baćkoŭskija pravy i ich abmiežavańni);
• dostup da sacyjalnaj dapamohi z boku dziaržavy;
• padtrymka ŭ kryzisnych situacyjach (vykradańnie dziciaci, pracedura «Błakitnaj karty» i inšaje).

Kryminalnaje i haspadarčaje prava (advakat Siarhiej Skarycki):

• supraćdziejańnie dyskryminacyi i ksienafobii;
• paviedamleńnie pravaachoŭnych orhanaŭ pra złačynstvy;
• abarona ad chatniaha hvałtu;
• pravy paciarpiełych i mahčymaść atrymańnia dziaržaŭnaha advakata;
• nastupstvy sudzimaści dla zamiežnikaŭ i zamiežnic u Polščy,
• vyrašeńnie majomasnych i haspadarčych sprečak.

Taksama śpiecyjalisty Centra biełaruskaj salidarnaści mohuć kansultavać i pa inšych pravavych pytańniach.

Kamientary da artykuła