Frydrych Mierc: Vajna va Ukrainie praciahniecca jašče doŭha
Kancler Hiermanii zajaviŭ, što chutki kaniec vajny mahčymy tolki praz kapitulacyju Ukrainy, ale, pa jaho słovach, «heta nie varyjant».
Frydrych Mierc. Fota: Emmanuele Contini / NurPhoto via Getty Images
Niamiecki kancler Frydrych Mierc u niadzielu zajaviŭ kanału ZDF, što jon rychtujecca da taho, što vajna va Ukrainie praciahniecca doŭha, uličvajučy, što vojny zvyčajna zakančvajucca vajennaj parazaj abo ekanamičnym źniasileńniem — scenaryi, jakich jon nie bačyć na haryzoncie ni dla Kijeva, ni dla Maskvy.
Mierc adznačyŭ, što Jeŭropa i ZŠA damahajucca jak maha chutčejšaha zakančeńnia vajny. Pavodle jaho słoŭ, samy chutki scenaryj byŭ by mahčymy tolki ŭ vypadku kapitulacyi Ukrainy i straty joj niezaležnaści, ale heta «nie varyjant». Mierc padkreśliŭ, što ŭ takim vypadku pad udar patrapiła b nastupnaja kraina, a potym — i sama Hiermanija.
Mierc admoviŭsia adkazvać na pytańnie ab mahčymym nakiravańni niamieckich vojsk va Ukrainu ŭ jakaści harantyj biaśpieki ŭ vypadku mirnaha pahadnieńnia.
Kreml u niadzielu zajaviŭ, što jeŭrapiejskija dziaržavy pieraškadžajuć mirnym namahańniam Trampa, i što Rasija praciahnie svaju apieracyju va Ukrainie, pakul Maskva nie ŭbačyć realnych prykmiet taho, što Kijeŭ hatovy da miru.