Niedaloka ad rezidencyi Pucina ŭpaŭ bieśpiłotnik — pažar tušyli čatyry dni
Sam Pucin ciapier u Kitai.
Pałac Pucina. Skrynšot videa: NavalnyRu / YouTube
Ranicaj 28 žniŭnia kala vioski Krynica ŭ Hielendžyku ŭpaŭ bieśpiłotnik. Heta za 10 kiłamietraŭ ad pałaca Pucina na mysie Idakapas. Na miescy padzieńnia drona pačaŭsia pažar. Tam akazalisia zabłakavanyja 20 čałaviek, ich daviałosia evakujavać.
Patušyli siońnia, jak paviedamlaje hubiernatar Krasnadarskaha kraju Rasii Vieniamin Kandraćjeŭ.
Pažar tušyli čatyry dni 500 čałaviek, byli zadziejničany 100 adzinak techniki, u tym liku dva viertaloty Mi-8.
Pucin praz ataki bieśpiłotnikaŭ na ŭźbiarežža Krasnadarskaha kraju staŭ radziej latać tudy.