Łukašenka palacieŭ u Kitaj
Alaksandr Łukašenka siońnia ranicaj adpraviŭsia z rabočym vizitam u Kitaj.
Vylecieŭ jon z aeradroma ŭ Bałbasavie Aršanskaha rajona, pravjoŭšy ŭčorašni dzień na małoj radzimie, paviedamlaje Puł pieršaha.
31 žniŭnia — 1 vieraśnia ŭ horadzie Ciańcziń Łukašenka voźmie ŭdzieł u samicie Šanchajskaj arhanizacyi supracoŭnictva, jaki stanie najbujniejšym za ŭsiu historyju abjadnańnia.
3 vieraśnia ŭ Piekinie voźmie ŭdzieł u śviatočnych mierapryjemstvach, pryśviečanych 80-hodździu Pieramohi nad Japonijaj i zakančeńniu Druhoj suśvietnaj vajny. Alaksandr Łukašenka budzie prysutničać na paradzie, jaki projdzie na płoščy Ciańańmeń. Čakajecca, što buduć prysutničać na paradzie Uładzimir Pucin i Kim Čen Yn.