Pad Minskam mužčyna zahinuŭ, urezaŭšysia ŭ hruzavik darožnikaŭ
U Minskim rajonie na aŭtadarozie R-28 «Minsk — Maładziečna — Narač» adbyłosia ciažkoje DTZ, u jakim zahinuŭ kiroŭca lehkavoha aŭtamabila. Avaryja zdaryłasia kala 12:55 u piatnicu na 15-m kiłamietry darohi, niedaloka ad pasiołka Ratamka.
Fota: UDAI UUS Minabłvykankama
Pa papiaredniaj infarmacyi, 48-hadovy mužčyna, jaki kiravaŭ aŭtamabilem Mercedes, ruchajučysia ŭ krajniaj levaj pałasie, sutyknuŭsia z hruzavikom MAZ darožnaj słužby.
Kiroŭcu Mercedes supracoŭniki MNS debłakavali z mašyny i pieradali miedykam chutkaj dapamohi, adnak ad atrymanych ciažkich traŭmaŭ jon pamior u balnicy.